Naatsorsueqqissaartarfimmit nalunaarsuiffiit ilisimasarnermi misissugassanik annertuunik imaqarput. Inatsit atuuttoq malillugu Naatsorsueqqissaartarfimmit periarfissaq ilisimartusartunut immikkut neqeroorutitut pilersinneqarpoq, tassani ilisimatusarnermi inatsisiliornermilu sulianut atatillugu nalunaarsuutinut misissueqqissaarnissamut serveri immikkut ittoq atorneqarsinnaalersillugu.
Naatsorsueqqissaartarfiup ilisimatusartunut neqeroorutaa atorlugu ilisimatusarfiit naalakkersuisoqarfiillu nalunaarsuutinik ilisimatusarnermi misissueqqissaarnermilu suliaminnut tunngasunik atuisinnaapput. Nalunaarsuutinut suliareqqitaanngitsunut kinaassusersineqarsinnaanngitsunilli, tassa innuinnaat nalunaarsuutaannut, inunnulli ataasiaakkaanut tikkuussisisinnaanngitsunut nalunaarsuutinik atuinissamut tamanna periarfissaavoq. Ilisimatusartut namminneq suliffimminniit internetti atorlugu nalunaarsuutinik atuisinnaapput.
Nalunaarsuutit allanik tunngavillit Naatsorsueqqissaartarfiup nalunaarsuiffiini nalunaarsuutinut aamma atassuserneqarsinnaapput, assersuutigalungu nalunaarsuutit nammineq katersat imaluunniit oqartussani nalunaarsuiffinnit allaneersut. Tamannali Datatilsynimit akuerineqaqqaassaaq.
1. november 2021 Ilisimatusarnermi sulianut akit Ilisimatusartunut sullissinnermut atatillugu Naatsorsueqqissaartarfiup atuisinnaalernissamut malittarisassaa, nalunaarsuutinik immikkut tulluarsakkanik atuisinnaalernissamut periarfissiisoq, uani atuarneqarsinnaavoq. Læs artikel: her |